MOURINHO ATHIBITISHIWA WASAIDIZI MAN UNITED

WASAIDIZI wa kocha mpya

wa Manchester United, Jose

Mourinho wamethibitishwa.

Msaidizi namba moja

mwaminifu wa Mourinho, Rui

Faria amekuwa Kocha

Msaidizi wa Mashetani hao

Wekundu.

Mourinho alikutana kwa mara

ya kwanza Faria Barcelona

kabla ya kufanya naye kazi

klabu ya Uniao de Leiria ya

Ureno kama kocha wa

mazoezi ya viungo na

akaenda naye Chelsea mara

zote mbili, Inter Milan na

Real Madrid.

Kocha Silvino Louro, ambaye

amekuwa na Mourinho kwa

zaidi ya muongo mmoja

kama kocha wake wa

makipa, pia ametajwa katika

jopo la makocha wanne

wasaidizi wa Mreno huyo Old

Trafford.

Ricardo Formosinho na

Carlos Lalin - ambao pia

wana uzoefu wa kufanya kazi

na Mreno huyo awali - na

Emilio Alvarez pia

wamethibitishwa katika

benchi la Ufundi pamoja na

mtathmini, Giovanni Cerra.

Uthibitisho wa United wa

benchi hilo la Ufundi unakuja

baada ya Mourinho kujivua

lawama za kuondoka kwa

Ryan Giggs aliyekuwa Kocha

Msaidizi namba moja

kwamba hahusiki.

Katika mkutano wa

kumtambulisha rasmi

Jumanne Old Trafford,

Mourinho alisema kwamba

ilikuwa ni vigumu kwa winga

huyo wa zamani wa United

kubaki kulingana na

mazingira.